Lernen außerhalb

Vergahn Middeweek weern de 21 Plattdüütsch-Kinner ut de 2a, 2b, 3a un 3b in`t Ohnsorg-Theater.

To Foot vun uns Möhlenredder School na de S-Bahn dal un denn na de Hauptbahnhoff un röver in dat Ohnsorg – Studio.  Wi harrn bannig Dusel, denn de Schauspeler spelten dat Stück ganz för uns alleen.

„Emil un de Detektive“ vun Erich  Kästner, kennt hüüt keen Kind mehr, is jo ok schon vun 1929,

dat weer en ganz annere Tied. De dree Schauspelers, de spelen Emil, sien Mudder, Oma, Pony Hütchen,  de Schandarm, de Deef Grundeis, Gustav mit de Trööt, Dienstag un all de annern Kinner. Dor weer mannich Aktion op de Bühn un uns Kinner merrnmang. In Hamborg, wo Emil sien Oma un Pony Hütchen wahnen, schnackt man jo Platt. Dat weer to Begünn gornich so licht för Emil un uns Schölers., aver uns Plattdüütsch - Kinnern menen, se heppen allens verstahn. Man, dat hett uns bannig Spoß makt.